An samu wasu hotunan tsohon dan wasan tawagar kwallon kafa ta kasa Super Eagles, Celestine Babayaro tare da iyalansa. Dan wasan wanda yana daya daga cikin shahararrun ‘yan wasan Nijeriya wadanda ba za a manta da su ba ya buga wasanni 27 a tawagar ta Super Eagles daga shekara ta 1995 zuwa 2004.
Sai dai a kwanakin baya an nemi tsohon dan wasan an rasa sakamakon zargin shiga matsalar kudi da ya yi wanda aka ce wadanda suke bin sa bashi sun fara farautar sa amma kamar yadda jaridar Chronicle Libe ta ruwaito, tsohon dan wasan ya kasance yana rayuwa ne a yankin Laleham dake garin Sheppard a Middlesed.
- Da Gaske Soyayya Yankin Azaba Ce?
- ‘Yan Nijeriya Su Shirya Fuskantar Wahalar Rayuwa A 2023 – Sanata Yusuf
A shekara ta 2011 wasu makobtansa sun bayyana fargabar su cewa Babayaro ya shiga mawuyacin hali, wanda tasa baya iya kula da gyara gidansa, wani makobcin sa cewa ya yi baya iya kula da tsaftar gidan wanda a baya an san shi da gyara wa ko da yaushe.
Amma yanzu za’a iya cewa tsohon dan wasan na Newcastle United ya bayyana tare da iyalansa cikin farin ciki a wani hoto da da dan uwansa, Emmanuel ya saka a shafukan sada zumunta wanda hakan yake nufin yanzu ya samu nutsuwa.
