Kafar CGTN da hadin gwiwar jami’ar Renmin ta kasar Sin, sun gudanar da wani nazari kan ra’ayin jama’ar duniya game da yadda suke kallon Amurka. Sun gudanar da nazarin ne ta hannun cibiyar nazarin sadarwa tsakanin kasa da kasa a sabon zamani.
Nazarin ya tattara ra’ayoyin mutane 12,302 daga kasashe 39. Kuma an yi shi ne ta kafar intanet, ta hanyar amfani da tsarin nazari mai mayar da hankali kan wani rukunin mutane na musammam, inda aka mayar da hankali kan masu shekaru tsakanin 18 zuwa 65. Kuma an daidaita nazarin ta yadda zai dace da adadin mutanen kowace kasa bisa la’akari da jinsi da shekaru, inda ya shafi kasashe maso tasowa da wadanda suka ci gaba.
Nazarin kan yadda suke ganin Amurka ya nuna cewa, kaso 64.4 sun bayyana Amurka a matsayin kasa mai tsoratarwa, inda kaso 75.0 ke ganinta a matsayin mai nuna iko fiye da kima. (Fa’iza Mustapha)
