Jimillar kayayyakin da kasar Sin ta shigo da su da kuma fitar da su ya karu da kashi 0.2 cikin dari a shekarar 2023 idan aka kwatanta da makamancin lokacin a shekarar 2022, kamar yadda kididdiga ta nuna a hukumance.
A shekarar 2023, cinikin waje na kasar ya kai yuan tiriliyan 41.76 kwatankwacin dalar Amurka tiriliyan 5.87, a cewar hukumar kwastam ta kasa (GAC).
- Kasar Sin Ta Yi Kira Ga Kasashen Duniya Da Su Goyi Bayan Kasashen Yammacin Afirka Da Na Sahel
- Xi Da Sarki Letsie III Na Lesotho Sun Taya Juya Murnar Cika Shekaru 30 Da Dawo Hulda Tsakanin Kasashensu
Alkaluman da aka fitar sun nuna cewa, yawan kayayyakin da aka fitar zuwa kasashen waje ya karu da kashi 0.6 cikin dari wanda ya kai yuan tiriliyan 23.77 a shekarar 2023 idan aka kwatanta da makamancin lokacin a shekarar 2022, yayin da kayayyakin da ake shigowa da su daga ketare suka ragu da kashi 0.3 cikin dari daga shekarar da ta gabata zuwa yuan triliyan 17.99.
Bayanai sun nuna cewa har yanzu kayayyakin da kasar Sin ke fitarwa zuwa kasashen waje suna kan gaba a kasuwanni idan aka kwatanta da na sauran kasashen, a cewar mataimakin shugaban GAC Wang Lingjun a taron manema labarai. (Muhammed Yahaya)
