Cire Tallafi: Majalisar Nasarawa Za Ta Binciki Yadda Aka Karkatar Da Kayan Tallafin Jihar

Majalisar dokokin jihar Nasarawa ta kafa wani kwamiti da zai binciki yadda wasu jami’an gwamnatin jihar suka karkatar da kayan tallafin da aka kebe da nufin tallafawa masu karamin karfi da nufin rage musu radadin cire tallafin man fetur.

Shugaban majalisar, Ibrahim Balarabe Abdullahi ya yi alkawarin ne yayin zaman majalisar a ranar Talata cewa, doka za ta yi aiki kan duk wanda aka kama yana da hannu kan karkatar da kayan.

• Cikar Gwamnoni Kwana 100 A Karagar Mulki: Me Aka Tabuka A Jigawa, Bauchi, Nasarawa, Gombe, Borno Da Yobe?

Jami’an Hukumar Yaki da yiwa Tattalin Arzikin Kasa Ta’annuti (EFCC) sun kama wasu jami’an Hukumar ba da agajin Gaggawa ta Jihar (NSEMA) bisa zargin karkatar da kayan tallafin da aka shirya raba wa masu karamin karfi a jihar.

An zargi Jami’an NSEMA da sayar da kayan tallafin a kasuwar zamani da ke Lafia da kuma sauran kasuwanni.

Shugaban majalisar ya ce, majalisar dokokin jihar ta kafa kwamitin mutum bakwai da zai binciki zargin karkatar da kayan tallafin.

Majalisar ta kafa kwamitin ne biyo bayan kudirin da Hon. Musa Ibrahim Abubakar (NNPP- Doma ta Kudu) ya kawo, inda ya ce, ya dace Majalisar ta binciki wadanda ake zargi da aikata wannan mummunan laifin.

Sulaiman

+ postsBio

• Sulaiman

  Ding Xuexiang Ya Halarci Taron Kolin CIFTIS Tare Da Ganawa Da Manyan Jami’an Kasashen Waje
• Sulaiman

  Sin Ce Ta Zo Ta Farko A Rahoton Yanayin Tsaron Jama’a Na Duniya
• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace