Gwamna Bello Ya Yi Ta’aziyyar Rasuwar Sarkin Lokoja

Gwamnan jihar Kogi, Yahaya Bello, ya bayyana alhininsa kan rasuwar Maigari na Lokoja, Mai Martaba Sarkin Lokoja, Alhaji (Dr) Muhammad Kabir Maikarfi III, OON, wanda ya rasu ranar Laraba yana da shekaru 80 a duniya bayan gajeruwar rashin lafiya.

Gwamna Bello a cikin wata sanarwa da ya raba wa manema labarai a ranar Alhamis mai dauke da sa hannun babban sakataren yada labaran sa, Muhammed Onogwu, ya bayyana sarkin a matsayin Uba mai kaunar al’ummarsa da jiharsa.

• Mutum 20 Sun Mutu Sakamakon Tashin Gobara Da Wata Tankar Mai A Jihar Kogi

Gwamna Bello ya kara da cewa, Sarki Maigari, mutum ne mai son zaman lafiya, adalci da gaskiya mai kula da talakawansa a kasancewarsa shi ne mai mulkin babban birnin jihar, ya taka rawar gani wajen tabbatar da zaman lafiya da hadin kai wanda ba za a manta da shi ba.

Ya yi nuni da cewa, a matsayinsa na gwamna, yana da alaka da Maigari, kuma ya sami albarka ta hanyar bin nasiharsa, ta yadda majalisarsa take karfafa masa gwiwa kuma take ci gaba da goyon bayanasa.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi