Gwamnan Jihar Kano Injiniya Abba Kabir Yusuf ya bayyana mataimkain shugaban ƙasa Kashim Shettima a matsayi Dattijon Arziki wanda ya tabbatar da dattijantakarsa, gogewa tare da jajircewa wanda yake nuna jagoranci abin koyi, wanda hakan ya amfanar da rayuwar miliyoyin al’ummar Nijeriya shekaru masu yawa da suka gabata.
Gwamnan ya bayyana hakan ne cikin wasiƙar da ya fitar aka raba wa manema labarai kuma aka aikawa sakon ga mataimakin shugaban ƙasa Kashim Shettiman a ranar asabar bisa cikarsa shekara 57 da haihuwa.
Gwamna Abba Kabir Yusuf ya bayyana gamsuwa tare da cancantar Kashim Shettima wajen bayar da gagarumar gudunmawa ga dukkanin cigaban ƙasa alokacin da yake jagorantar Gwamnatin Jihar Borno tsawon zango biyu.
Gwamna Abba Kabir Yusuf yi addu’ar ƙarin lafiya da kuma tsarin Allah acikin dukkan ayyuka da matakin shugaban kasa ya sa gaba.
Kamar yadda Kwamishinan ma’aikatar yaɗa Labarai da harkokin cikin gida na Jihar Kano Baba Ɗantiye ya shaida wa LEADERSHIP Hausa.
