Hukumar FRSC Ta Jaddada Kudurinta Na Rage Hatsurra A Hanyoyin Nijeriya

Daga Bello Hamza, Abuja

Shugaban hukumar FRSC na yankin jihar Ogun, Mr Joseph Akinsanya, ya yi alkawarin tabbatar da ganin an samu raguwar hatsurra a kan hanyoyin kasar nan.

RelatedPosts

NIS Ta Horas Da Masu Magana Da Yawunta Kan Yakar Bakin Haure

November 27, 2021

Budurwa ‘Yar Ƙasa Da Shekara 20 Ta Lashe Gasar Hikayata Ta BBC Hausa

November 26, 2021

Akinsanya ya yi wanan alkawarin ne a tattaunawarsa da manema labarai a garin Ifo ta jihar Ogun ranar Juma’a.

Shi dai Mr Joseph Akinsanya, ya karbi aiki ne daga hannun Mr Joshua Ibitimi wanda aka tura aiki jihar Legas shi kuma ya taso ne daga jihar Imo.

Ya kuma yi alkawarin samar da hadin kai da sauran bangarorin jami’an tsaro don samun wannan nasarar.

“Muna da shirin gudanar da shirin gangamin fadakar da kan al’umma a yankin Ifo don ilimantar da al’umma bukatar amfani da hanyoyimu yadda ya kamata don kaucewa asarar rayuka da dukiyoyin al’umma.

“Za kuma mu tabbatar da ana bin ka’idoji da dokokin hanya a manyan hanyoyinmu,” inji shi.