Juyin Mulki: Tinubu Ya Gana Da Gwamnonin Jihohin Da Ke Kan Iyaka Da Jamhuriyar Nijar

Shugaban kasa Bola Tinubu ya tattauna da gwamnonin jihohin da ke kan iyaka da Jamhuriyar Nijar a yammacin ranar Lahadi.

Taron dai an yi shine yayin da wa’adin da kungiyar ECOWAS ta gindaya wa jami’an sojin Nijar ya cika.

• Dubban Magoya Bayan Juyin Mulkin Nijar Sun Hallara A Filin Wasa Na Yamai

ECOWAS ta bukaci sojin Nijar da su maido da ragamar mulki ga gwamnatin shugaba Mohammed Bazoum da suka hambarar cikin mako guda ko kuma su fuskanci tawagar sojin Kungiyar.

Mahalarta taron sun hada da gwamnan jihar Sokoto, Ahmed Aliyu; Gwamnan jihar Jigawa, Umar Danmodi; Gwamnan jihar Yobe, Mai Mala Buni; Gwamnan jihar Kebbi, Idris Nasir, da gwamnan jihar Katsina, Dikko Radda.

Har yanzu dai ba a fitar da wata sanarwa ba kan ganawar da shugaban kasar ya yi da gwamnonin jihohin ba, wacce aka gudanar a fadar shugaban kasa da ke Abuja.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”