Akwai wasu mutum-mutumin inji masu siffofin da Adam da suka gabatar da wasanni masu kayatarwa a gun shagalin babban rukunin gidajen rediyo da talabijin na kasar Sin wato CMG, na murnar shiga sabuwar shekarar gargajiya ta al’ummar kasar, al’amarin da ya janyo hankalin mutanen kasa da kasa.
Shafin sada zumunta na kimiyya da fasaha da ake kira CyberRobo ya wallafa bidiyo game da yadda mutum-mutumin injin suka gabatar da wasanni, inda a cewarsa wasanni ne masu matukar ban mamaki.
Kazalika, wasannin mutum-mutumin injin sun jawo hankali sosai daga wasu manyan kafafen yada labaran duniya da dama, ciki har da kamfanin dillancin labarai na Reuters na kasar Birtaniya, da jaridar The Independent ta Birtaniya, da kamfanin dillancin labarai na AP na kasar Amurka, da jaridar India Today ta kasar Indiya da sauransu.
A cewar rahotannin kamfanin dillancin labarai na Reuters, wasannin masu kayatarwa da mutum-mutumin injin suka gabatar sun shaida cewa, kasar Sin ta riga ta ayyana fasahar mutum-mutumin inji da fasahar kirkirarriyar basira wato AI a matsayin muhimmiyar manufarta ta “AI+kere-kere”. (Murtala Zhang)
