An dakatar da dan wasan keke na bakin karfe dake tafiya a kan kankara na Ukraine Vladyslav Heraskevych daga gasar Olympics ta hunturu a jiya Alhamis, saboda dagewa kan sanya hular kwano mai dauke da hoton ‘yan wasan da suka mutu a rikicin Rasha da Ukraine.
Shugabar kwamitin Olympics na Duniya wato IOC a takaice Kirsty Coventry ta yi bayanin cewa, matakinsa ya saba wa ka’idojin IOC game da bayyana ra’ayoyin ‘yan wasa a filin wasa.
A martanin da ya mayar game da hakan, Kwamitin Olympics na kasar Sin ya bayyana a ranar cewa, yana adawa da siyasantar da wasanni, kuma yana goyon bayan kokarin IOC na tabbatar da cewa wasannin Olympics ba su shiga harkokin siyasa ba.
Aya ta biyu ta babi na 50 na kundin Olympics ya tanadi cewa, an haramta habaka ra’ayoyin siyasa, da na addini, ko na launin fata a kowane wurin Olympics, wurin gasa, ko kuma wani yanki na Olympics. Ma’anar wannan tanadin ita ce tabbatar da cewa yadda ‘yan wasa ke nuna kwarewarsu, da halayen wasanni, da kuma hadin kai na duniya, su kasance babban abu daya kacal dake jan hankulan mutane a Wasannin Olympics. (Mai fassara Bilkisu Xin)
