Ma’aikatar sufuri ta kasar Sin ta sanar a ranar Laraba cewa, kasar Sin ta samu gagarumar nasara wajen inganta tsarin sufuri a shekarar da ta gabata.
Li Xiaopeng, ministan sufuri ya shaidawa taron manema labarai cewa, jarin da aka zuba a kadarorin tsarin sufurin kasar ya kai yuan triliyan 3.9 kwatankwacin dalar Amurka biliyan 548.7 a shekarar 2023.
- Adadin Kamfanonin Waje Dake Zuba Jari A Sin Na Karuwa
- Shirin Yaƙi Da Talauci: Mun Yi Wa Ƙananan Masana’antu 7,000 Rijista A Adamawa – Bawa
Li ya kara da cewa, an kaddamar da layukan dogo na jiragen kasa masu saurin tafiya da tsawonsu ya kai kilomita 2,776, kuma an gina ko fadada hanyoyin mota na tsawon kilomita 7,000 a bara.
ADVERTISEMENT
Kasar ta kara ko inganta hanyoyin sufuri na jiragen ruwa na tsawon kilomita 1,000, kuma adadin filayen jiragen sama na sufuri ya kai 259. Ana ba da hidimomi na gidan waya ga duk kananan hukumomin kasar. (Yahaya)
