Kumbon dakon kaya na Tianzhou-9 na kasar Sin, ya dawo duniyar dan Adam da misalin karfe 7:49 na safiyar yau Alhamis, bisa sarrafa shi da aka yi.Yayin dawowar, wani adadi kalilan na burbushin da ke jikinsa ya fada cikin ruwa kamar yadda aka tsara.
A ranar 15 ga watan Yulin shekarar 2025 ne aka harba kumbon Tianzhou-9 daga cibiyar harba kumbuna ta Wenchang ta lardin Hainan da ke kudancin kasar Sin, inda ya hade da cibiyar binciken sararin samaniya ta kasar Sin da ke cikin da’irarta.
Kumbon ya dauki kayayyaki, ciki har da kayayyakin bukata na ‘yan sama jannatin dake tashar binciken sararin samaniya ta Sin da makamashi da kayayyakin gwaje-gwaje. (Mai fassara: Fa’iza Mustapha)
ADVERTISEMENT
