A ranar 21 ga watan Agusta, kwamitin koli na Jam’iyyar Kwaminis ta kasar Sin ya gudanar da taron karawa juna sani tare da wadanda ba ’yan jam’iyyar ba, inda aka saurari ra’ayoyi da shawarwari dangane da manyan kudurorin da suka hada da cikakke, kuma tsattsauran jagoranci a jam’iyyar da dai sauransu, daga wajen shugabannin kwamitocin tsakiya na jam’iyyun siyasa daban-daban masu bin tsarin dimokuradiyya da na Tarayyar Masana’antu da Kasuwanci ta kasar Sin, tare da wakilan wadanda ba su da alaka da wata jam’iyyar siyasa.
Xi Jinping, babban sakataren Kwamitin Koli Jam’iyyar Kwaminis ta Sin, ya jagoranci wannan taro tare da gabatar da jawabi mai muhimmanci, inda ya jaddada cewa domin tafiyar da harkokin kasa yadda ya kamata, dole ne a fara inganta harkokin gudanarwa na jam’iyyar kwaminis ta kasar Sin, kuma domin gina kasa mai karfi, dole ne a fara gina jam’iyyar mai karfi.
Ya ce ya kamata a tsaya tsayin daka kan cikakke, kuma tsattsauran jagoranci a jam’iyyar, a kuma tabbatar da cewa, Jam’iyyar Kwaminis ta kasar Sin ta ci gaba da kasancewa a matsayin muhimmin ginshikin jagoranci ga tafarkin gina tsarin gurguzu mai salon Sin. (Mai Fassara: Maryam Yang)
