Mai magana da yawun maaikatar harkokin wajen kasar Sin Guo Jiakun, ya ce Sin na matukar adawa, tare da bayyana rashin amincewa da matakin Amurka na kokarin murkushe kamfanoninta.Guo Jiakun, ya bayyana hakan ne a Jumaar nan, yayin taron manema labarai da aka saba gudanarwa, lokacin da aka nemi ya yi tsokaci game da shirin hukumar lura da harkokin sadarwa ta Amurka, na haramtawa kamfanonin sadarwar Sin izinin amfani kai tsaye da lambobin wayar tarho na Amurka bisa fakewa da wai batun tsaron kasa.
Guo, ya ce Sin za ta dauki matakan da suka wajaba, don kare halastattun hakkoki da moriyar kamfanonin kasarta.
Dangane da kin gayyatar da Amurka ta yiwa Afirka ta Kudu zuwa taron ministocin harkokin wajen kasashe membobin kungiyar G20, wanda zai gudana a birnin Atlanta na Amurka kuwa, Guo Jiakun ya ce Afirka ta Kudu muhimmiyar memba ce a kungiyar G20, kuma Sin na goyon bayan ci gaba da halartar Afirka ta Kudu, dukkanin ayyuka masu nasaba karkashin tsarin aiwatar da manufofin kungiyar ta G20. (Saminu Alhassan)
