Lasisin Mu Ne Ya Lalace, Ba Dakatar Da Mu NCAA Ta Yi Ba – Azman

Kamfanin Sufurin jirgin sama na Azman, a ranar Alhamis ya bayyana cewa hukumar kula da zirga-zirgar jiragen sama ta Nijeriya NCAA ta dakatar da ayyukansa ne saboda lasisinsa na Air Operator (AOC) ya kare.

Shugaban kamfanin Azman Air, Abdulmunaf Sarina, wanda ya bayyana hakan a wata tattaunawa ta musamman da LEADERSHIP, ya ce za a sabunta AOC na kamfanin.

• Gwamnatin Tarayya Ta Karbe Filin Jirgin Saman Gombe

A cewarsa, kamfanin jirgin zai koma aiki saboda za a sabunta AOC din a ranar Alhamis.

“Lasisin mu ya kare, amma yau (Alhamis) za mu sabunta shi,” in ji shi a sakon da ya aike wa LEADERSHIP.

LEADERSHIP ta ruwaito cewa a safiyar ranar Alhamis ne NCAA ta dakatar da kamfanin na Azman Air saboda gazawarsa na sabunta AOC dinsa.

Dakatarwar na zuwa ne ‘yan watanni bayan NCAA ta dakatar da kamfanin Dana Air saboda fuskantar wasu matsaloli da suka faru akai-akai.

Sulaiman

+ postsBio

• Sulaiman

  Xi Jinping Ya Bukaci A Gudanar Da Aikin Ceto A Tsanake Bayan Rugujewar Bangaren Wani Tsauni A Chongqing
• Sulaiman

  Sin Za Ta Inganta Kaddamar Da Aikin Kungiyar Hadin Gwiwar AI Ta Duniya Da Wuri
• Sulaiman

  Sin Ta Yaba Da Matakin Amurka Na Kin Tsawaita Dokar Ta-Baci Dangane Da HK
• Sulaiman

  Xi Ya Gana Da Babban Sakataren MDD Da Firaministocin Thailand Da CambodiaA