Majalisa Ta Dakatar Da Shugaban Karamar Hukuma Kan Badakalar Sayar Da Fili A Jihar Kano

Majalisar dokokin jihar Kano ta dakatar da shugaban karamar hukumar Gwale, Khalid Ishaq Diso na tsawon watanni uku.

An zargi Diso, dan jam’iyyar APC, da sayar da filayen gwamnati ba tare da neman shawarar kansilolinsa ba.

• Kotu Ta Tsare Wani Matashi Kan Zargin Satar Tunkiya Da Yin Watanda Da Ita A Kano

Majalisar ta dauki matakin ne bayan ta amince da rahoton kwamitinta kan harkokin kananan hukumomi da masarautu a zauren majalisar a ranar Talata.

Majalisar ta ce, kansiloli shida cikin 10 na karamar hukumar sun shigar da kara kan ayyukan shugaban da ba su gamsu da su ba.

Kakakin majalisar, Jibril Ismail Falgore, ya ce ana kuma zargin shugaban da yanke hukunci ba tare da tuntubar kansilolinsa ba.

Majalisar ta kafa wani kwamitin wucin gadi da zai binciki zarge-zargen tare da bayar da rahoto nan da watanni biyu.

Hakazalika, ta umurci mataimakin shugaban majalisar da ya karbi ragamar mulki har sai an kammala bincike.

Sulaiman

+ postsBio

• Sulaiman

  Takunkumin Amurka Ya Haifar Da Mummunan Tasiri Ga Tsarin Samar Da Kayan Latironi Na Duniya
• Sulaiman

  Gwamna Sani Ya Kashe Sama Da Naira Biliyan Ɗaya Kan Tallafin Ɗalibai A Kaduna – Kwamishina
• Sulaiman

  Sin Ta Ware Kudi Har Yuan Biliyan 99.9 Domin Tallafawa Kula Da Lafiyar Yara A 2026
• Sulaiman

  Tasirin Nasarar Da Kasar Sin Ta Cimma A Fannin Kakkabe Matsanancin Talauci