Majalisar Wakilai Na Shirin Dakatar Da DISCOS Kan Karin Kudin Wutar Lantarki 

Majalisar wakilai a zamanta na ranar Alhamis ta dauki matakin dakatar da shirin karin kudin wutar lantarki da Kamfanin Rarraba wutar (DISCOS) ke shirin yi.

Don haka, majalisar ta bukaci hukumar kula da wutar lantarki ta kasa NERC da kada ta amince da wata takardar bukatar karin kudin wutar lantarki a Nijeriya.

• Kakakin Majalisar Wakilai Ya Ta Ya Musulmi Murnar Shiga Sabuwar Shekarar Musulunci Ta 1445

Hakan ya biyo bayan amincewa da kudirin da Hon. Aliyu Sani Madaki daga Kano, wanda ya bayyana cewa, kwanankin baya, kamfanin DISCOS ya sanar da a abokan huldarsa game da shirin karin kudin wutar lantarki dubi da yanayin harajin shekara-shekara (MYTO).

Madaki, ya yi nuni da cewa, takardar da DISCOS ta fitar ta bayyana cewa, daga ranar 1 ga watan Yulin 2023, za a sake yin nazari a kan farashin wutar lantarki.

Dan majalisar ya ce a karkashin tsarin MYTO, 2022, harajin yana kan sikelin Naira N441 kan duk dalar Amurka daya ( N441/$1), amma ana sa ran zai iya kaiwa zuwa kusan Naira N750 akan duk dalar Amurka daya (N750/$1 ) bayan kammala nazarin kamfanin.

Sulaiman

+ postsBio

• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti