Kakakin shugaban majalisar wakilai Rt. Hon. Dakta Abbas Tajudeen, ya taya daukacin al’ummar Musulmi murnar shiga sabuwar shekarar Musulunci ta 1445 bayan hijirar fiyayyen halitta Annabi Muhammad SAW.
Dakta Abbas ya bukaci al’mmar Musulmi da su nuna soyayya, ya fiya da hakurin Zama da juna don cigaban kasa kamar yadda Annabi Muhammad SAW ya karantar.
A sakon sa na taya Musulmin murnar wanda mai bashi shawara ta musamman kan harkar yada labarai, Musa Abdullahi Krishi ya fitar a Abuja, ya bayyana cewa, daukacin rayuwar Annabi SAW darussa ce ga Musulmin duniya wanda ya dace al’ummar Musulmi da su yi koyi da wadanna darussa.
Kazalika Dakta Abbas ya ce, sabuwar shekarar 1445 ta Musulunci, na da matukar mahimmanci a cikin rayuwar Musulmi, inda ya yi kira a gare su, da su yi amfani da sabuwar shekarar domin gudanar da addo’in ci gaba, zaman lafiya da kuma hadin kan kasa.
