Assalamu Alaikum. Mutum ne yake ba da kudin Gero ga manoma tun kafin ma amfanin ya girma. Misali, in ana saida Gero a lokacin shifka #450, to sai su yi lissafi a kan tsammanin Geron zai sauko zuwa #150. Ka ga duk #450 da ya ba manomi, zai kawo mai Tiya 3 ta Gero kenan. Mene ne halaccin wannan ciniki?
Wa alaikum assalam, Ya halatta mutukar sun cimma daidaito a kan hakan, wannan shi ake kira Salam a wajen malaman Fikhu (Kan ta gasu), Annabi (SAW) da ya zo Madina ya samu mutanen garin suna wannan cunikayyar, sai ya ce musu: (Duk Wanda zai yi, to ya yi a cikin Ma’auni sananne, zuwa lokaci sananne).
Allah ya halatta wannan nau’i na cinikayya saboda saukaka wa mutane, Manomi zai iya bukatar kudi kafin amfaninsa ya zo.
Allah ne mafi sani.
ADVERTISEMENT
