Ofishin Harkokin Taiwan Na Kasar Sin Ta Amsa Tambayoyi Kan Jawabin Lai Ching-te Na Ranar 10 Ga Watan OktobaBy CGTN HausaGame da batun dangantakar dake tsakanin gabobi biyu na mashigin tekun Taiwan dake cikin jawabin da jagoran gwamnatin yankin Taiwan, Lai Ching-te, ya yi a ranar 10 ga watan Oktoba, kakakin ofishin kula da harkokin yankin Taiwan na majalisar gudanarwar kasar Sin, Zhang Han, ta amsa tambayoyin ‘yan jarida inda ta bayyana cewa, jawabin Lai Ching-te soki burutsu ne kawai, da yaudarar jama’a, kana yunkuri ne fafutukar ‘yan aware na yankin Taiwan.
A cikin jawabinsa, an fitar da tunanin ware yankin Taiwan daga kasar Sin, da ba da ra’ayin barazanar da babban yankin kasar Sin yake kawowa, da yada jita-jitar demokuradiyya da sunan yaki da mulkin kama-karya, da yunkurin neman aware ta hanyar hada kai da wasu masu karfi daga kasashen waje, da ta da rikicin kin amincewa da juna a tsakanin gabobin biyu, da kuma haifar da illa ga shimfida zaman lafiya a yankin.
Kakakin ta kara da cewa, kasar Sin daya tak ce a duniya, kuma Taiwan yanki ne na kasar Sin, wannan ne hakikanin yanayi da ake ciki kan batun yankin Taiwan. Ka’idar Sin daya tak a duniya, ka’ida ce da aka shimfida bisa ka’idojin dangantakar kasa da kasa, kana kasa da kasa suka amince da ita, wani muhimmin sashe ne a odar kasa da kasa da aka samar bayan yakin duniya na biyu. Tilas ne dukkan jama’ar kasar Sin ciki har da jama’ar yankin Taiwan su zabi makomar yankin Taiwan. (Zainab Zhang)
