Shugaban kasar Kamaru, Paul Biya ya koma Yaoundé, babban birnin kasar, bayan watanni bakwai da barin kasar, inda aka dinga rade-radin ya mutu.
Da misalin karfe 5:30 na yammancin ranar Litinin ne jirgin shugaban da iyalinsa ya sauka a babban filin jirgin saman Nsimalen.
- Fursunoni 11 Sun Kammala Digiri A Gidan Yari na Kaduna
- Ciwon Daji: Adadin Masu Warkewa A Nijeriya Ya Yi Kaɗan – Pink Africa
Magatakardan fadarsa, Ferdinand Ngoh da sauran jami’an gwamnati da manyan ‘yan majalisa ne suka tare shi.
ADVERTISEMENT
Magoya bayan Paul Biya, karkashin jam’iyya mai mulki RDPC sun tarbe shi a fadin titunan birnin, domin nuna murnar dawowarsa.
Paul Biya mai shekara 92 a duniya, ya kasance a kan karagar mulki tun kimanin shekara 42.
Ana sa ran zai sake tsayawa takarar shugaban kasa a zaben shekara mai zuwa.
