A wani labari mara dadi ga kungiyar Barcelona da magoya bayanta, jaridar RAC1 ta ba da rahoton cewa babban dan wasan tsakiya, Pedri ba zai buga wasan kungiyar da Real Madrid ba saboda rauni.
Tun a karshen watan Agusta ne Pedri yake jinya saboda rauni a cinyarsa inda ake sa ran dan wasan zai dawo daga jinya jim kadan bayan hutun kasa da kasa, amma hakan bai samu ba.
- Xi Jinping Ya Gana Da Gwamnan Jihar California Dake Amurka
- Karbar Haraji Mai Yawa Ne Ya Durkusar Da Masana’antu A Nijeriya – Kwamiti
Duk da cewar Xavi ya nuna kwarin gwuiwa akan murmurewarsa, har yanzu Pedri bai yi atisaye da tawagar farko ba, yayin da kwanaki hudu kacal suka rage a buga El-Clasico.
An yi fatan dan wasan mai shekaru 20 ya murmure nan da nan don fuskantar Real Madrid akalla a matsayin wanda zai shigo daga baya.
Duk da cewa Barcelona ta samu nasarori sosai duk da rashin Pedri a cikin watanni biyu da suka gabata akwai bukatar ire-iren Pedri a wasan El-Clasico.
