RASUWAR MAITAMA SULE: Jihar Kano Ta Bayar Da Hutun Kwana Guda

Gwamnatin Jihar Kano ta bayar da hutun kwana daya na ranar Talata, don yin jana’izar marigayi Dan Masanin Kano Yusuf Maitama Sule.

Kafin rasuwarsa a kasar Masar ranar Litinin, marigayin ya taka muhimmiyar rawa a fannoni daban-daban a Nijeriya, inda ya zamo daya daga cikin mutanen da suka fi fice da kuma kima a kasar.

RelatedPosts

Dawowar ‘Yan Bindiga: Gaskiyar Magana Kan Garuruwa Mafi Hadari A Hanyar Kaduna Zuwa Abuja – Danmajen Jere

November 26, 2021

Farashin Litar Fetur Zai Kai 340 Idan Aka Cire Tallafi A Shekarar 2022, Inji Kyari

November 24, 2021

Babban mai taimakawa gwamnan jihar Kano kan kafofin yada labarai Salihu Tanko Yakasai ya ce an ayyana ranar Talata a matsayin ranar hutu saboda rasuwar tsohon fitaccen dan siyasar.

Hakazalika, a ranar Talatar ne za a yi jana’izar marigayin a mahaifarsa da ke jihar Kano bayan an dawo da gawarsa daga kasar Masar wurin da ya yi gajeruwar jinya. Za a yi jana’izar ne da misalin karfe hudu na yamma a fadar Kano da ke Kofar Kudu a ranar Talatar.