An dakatar da kyaftin din Portugal, Cristiano Ronaldo, daga buga wasan neman cancantar shiga gasar Euro 2024 da za su kara da Luxembourg ranar Litinin.
Dan wasan gaban na Al-Nassr ya karbi katin gargadi a wasan da suka doke Slovakia da ci 1-0 a ranar Juma’a.
- Ronaldo Ya Ci Kwallo Ta 850 A Tarihin Kwallonsa
- Mane Ya Jinjinawa Ronaldo Bayan Fitar Da Al Nassr Kunya
Alkalin wasa Glenn Nyberg ya zabi nuna katin gargadi ga Ronaldo duk da cewar VAR ta nemi ya duba abinda ya faru amma yaki.
Yanzu dai an dakatar da Ronaldo saboda katin gargadin da ya dauka, shi ne na uku a gasar neman gurbin shiga gasar cin kofin nahiyar Turai.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
