Harin da aka kai Cibiyar Gyara-hali ta Kuje a Babban Birnin Tarayya Abuja, an dora laifin kan gazawar shugabancin Jam’iyyar APC.
Da yake zantawa da manema labarai a sakatariyar jam’iyyar PDP ta kasa da ke Abuja, ranar Laraba, mataimakin shugaban matasa na kasa, Hon. Tim Osadolor, ya ce abubuwan da ke faruwa a Nijeriya sun nuna karara na gazawar shugabancin gwamnatin Buhari.
Daily trust ta bayyana cewa, Osadolor, lokacin da yake amsa tambayoyin ‘yan jarida, ya ce, “Ba na addu’a ko hassada domin in zama daya daga cikin masu sanye da kaki. Muna da ’yan Nijeriya masu kishin kasa wadanda suka fi cancanta da aikin, sai dai sun gaji da aikin sabida manufofi da tsarin mulki na gwamnati mai ci.
“Nijeriya tana da sojoji da sauran jami’an tsaro masu basira, amma mu tambayi kan mu, me yasa wadannan kalubalen tsaron ke faruwa? Wannan amsar a fili take, “gazawar shugabanci ne.” Inji shi
