Sakacin Gwamnati Ya Janyo Harin Gidan Yarin Kuje – PDP

Harin da aka kai Cibiyar Gyara-hali ta Kuje a Babban Birnin Tarayya Abuja, an dora laifin kan gazawar shugabancin Jam’iyyar APC.

Da yake zantawa da manema labarai a sakatariyar jam’iyyar PDP ta kasa da ke Abuja, ranar Laraba, mataimakin shugaban matasa na kasa, Hon. Tim Osadolor, ya ce abubuwan da ke faruwa a Nijeriya sun nuna karara na gazawar shugabancin gwamnatin Buhari.

• Hukumar Da Ke Kula Da Gidajen Yarin Nijeriya Na Cigiyar Fursunoni 69 Da Suka Tsere Daga Kuje

Daily trust ta bayyana cewa, Osadolor, lokacin da yake amsa tambayoyin ‘yan jarida, ya ce, “Ba na addu’a ko hassada domin in zama daya daga cikin masu sanye da kaki. Muna da ’yan Nijeriya masu kishin kasa wadanda suka fi cancanta da aikin, sai dai sun gaji da aikin sabida manufofi da tsarin mulki na gwamnati mai ci.

“Nijeriya tana da sojoji da sauran jami’an tsaro masu basira, amma mu tambayi kan mu, me yasa wadannan kalubalen tsaron ke faruwa? Wannan amsar a fili take, “gazawar shugabanci ne.” Inji shi

Sulaiman

+ postsBio

• Sulaiman

  Tasirin Nasarar Da Kasar Sin Ta Cimma A Fannin Kakkabe Matsanancin Talauci
• Sulaiman

  Sabbin Ra’ayoyin Ci Gaba: Manufofin Zamani Na Zamanantarwa
• Sulaiman

  Ana Gudanar Da Taron Masana Ilmin Harkokin Kasar Sin Karo Na Uku
• Sulaiman

  Sin: Ya Kamata Tarayyar Turai Ta Dubi Huldar Tattalin Arziki Da Ciniki Tsakaninta Da Sin Bisa Daidaito