Ƙungiyar Arsenal na daf da kafa tarihi yayin da ta kai wasan karshe na gasar UEFA Champions League ba tare da shan kashi ko daya ba a wasanni 14 da ta buga. Wannan ya sa ake tambayar ko za ta iya kammala gasar gaba daya ba tare da an doke ta ba, lamarin da zai zama babban tarihi a duniya kwallon kafa.
Arsenal za ta buga wasan karshe a ranar 30 ga Mayu, wanda shi ne karo na biyu da ta kai wannan mataki tun bayan na shekarar 2006, inda ta sha kashi a hannun FC Barcelona da ci 2-1. A wannan karo, kungiyar na da damar gyara kuskuren baya tare da daukar kofin cikin salo na musamman.
A tarihin gasar, kungiyoyi kalilan ne suka taba lashe kofin ba tare da shan kashi ba, ciki har da Olympique de Marseille (1992/1993), FC Barcelona (2005/2006), Bayern Munich (2019/2020), Manchester City (2022/2023) da kuma Real Madrid (2023/2024).
Idan Arsenal ta samu nasara a wasan karshe ba tare da an doke ta ba, za ta shiga sahun wadannan kungiyoyi a matsayin daya daga cikin mafiya kwarewa a tarihin gasar. Sai dai hakan zai bukaci cikakken kwazo da jajircewa domin kaucewa kuskure a mataki mafi muhimmanci na gasar.
