Dakarun Operation Hadarin Daji a Jihar Zamfara sun dakile wani hari da wasu ‘yan bindiga suka kai garin Anka hedikwatar karamar hukumar Anka tare da kashe wani dan bindiga daya a ranar Litinin.
Leadership Hausa ta tattaro cewa sojojin da suka yi aiki da rahoton leken asiri game da ‘yan ta’addan sun yi yunkurin kai hari a garin, inda suka yi artabu da ‘yan bindigar da ya dauki tsawon sa’o’i da dama.
Majiyoyi sun shaida wa Leadership Hausa cewa sojojin sun gudanar da sintiri a kauyen Tungar Mai-Rakuma da ke karamar hukumar Anka kuma an yi artabu da su.
Sai dai sojojin sun yi galaba a kan ‘yan bindigar inda suka kashe dan bindiga guda daya sannan kuma suka samu nasarar kwato babur daya kirar AK-47 da alburusai.
“Bayan arangamar, an kashe ‘yan bindiga guda daya, sannan an kwato kayayyakin sun hada da AK-47 guda daya, babur guda da harsasai,” in ji wata majiyar soja.
Sojojin sun ci gaba da mamaye yankin gaba daya domin kama ‘yan bindigar da suka tsere.
