A yau Talata, shugaban kasar Sin, Xi Jinping, ya taya Luiz Inacio Lula da Silva murnar sake zabensa a matsayin shugaban kasar Brazil.
A cikin sakon taya murnar, Xi ya bayyana cewa, a ‘yan shekarun nan, shi da Lula suna ci gaba da tuntubar juna ta hanyoyi daban-daban, tare da ba da jagoranci cikin hadin gwiwa wajen gina al’ummar Sin da Brazil mai kyakkyawar makoma ta bai-daya, domin samar da duniya mai karin adalci da za ta dore zuwa samun sabbin ci gaba.
Xi ya bayyana cewa yana ba da muhimmanci sosai ga ci gaban dangantakar da ke tsakanin Sin da Brazil, kuma a shirye yake ya yi aiki tare da shugaba Lula domin ba da jagoranci ga gina al’ummar Sin da Brazil mai kyakkyawar makoma ta bai-daya a matakin koli, da bude kofofin samun damammaki masu fadi na manyan tsare-tsare a dukkan fannoni a tsakanin kasashen biyu, da kuma ci gaba da inganta walwalar al’ummomin biyu. (Abdulrazaq Yahuza Jere)
