Jama’a barkammu da warhaka. Yau za mu yi duba akan yadda ake hada sabulun wanki. Sabulun wanki shi ne sabulun da ake amfani da Shi wajen wanke tufafi domin cire dauda da warin da yake a jikin tufafi.
Yana da kyau sabulun wanki ya zama ingantacce domin cire daudar da ke jikin kayan.wajen hadin sabulu, a tabbata an yi amfani da turaren hadin sabulu mai kamshi don Jan hankalin masu saya, turare mai dadi sirri ne sosai wajen daukar hankali.
- Sin Na Fatan Amurka Za Ta Yi Gamsasshen Bayani Game Da “Nord Stream”
- Kasar Sin Ta Fitar Da Takardar Bayani Kan Matsayinta Na Warware Matsalar Ukraine A Siyasance
Sinadaran da ake hadawa da su su ne:
Da farko Yana da kyau mai son ya hada sinadaran da ake hada sabulu ya tanadi; 1. Costic Soda, 2. Soda Ash, 3. Sulphat, 4. Silkate, 5. Kwakwa. 6. Kala (ta ruwa GA masu bukata) 7. Gwangwani, 8. Roba ko mazubi, 9. Ma’auni (misali Kofi ko gwangwani), 10. Safar hannu
Matakan da Ake bi wajen tsuma sinadaran sabulu su ne:
Da farko dai za ka samu ‘yan robin ka guda uku lafiyayyu ba dole sai roba ba mazubinka guda uku, bayan ka same su sai ka samo ruwa shi ma ka aje a kusa da kuma abin da za ka yi amfani da shi a matsayin ma’auni kar ka canja shi har mun gama, misali kofi ko wani ko idan ka tanaji wadannan abubuwan.
Sai kuma mataki na farko: Zuba ma’auninka uku na ruwa a cikin roba ko mazubi na daban, sai ka debo costic soda shi ma ma’auni uku ka zuba a cikin ruwan da ka zuba a robar.
Mataki na biyu: Debo ruwa kashi daya bisa hudu (1/4) na ma’aunin da ka yi amfani da shi na costic soda ka zuba a cikin wata robar har ila yau ita ma Soda Ash ka debo kashi daya bisa hudu ka zuba a cikin ruwan, ita ma sulphat ka yi mata irin na Soda Ash.
Bayan ka yi haka sai ka zuba su a wurin da ka hada Costic Soda dinka.ka dauko silket shima daya bisa hudu (1/4) na ma’auninka ka sa cikin hadin.
Daga nan kuma sai ka dauko man kwakwarka ka sa ma’auni biyu a cikin kwabin da ka yi, ka zuba kala ta ruwa in kana son kamshi to sai ka ci gaba da motsawa, za ka ga ruwan yana dunkulewa ka ga ya dunkule wato Sinadaran sun hade sosai sai ka samu gwangwaninka ka rika zuba hadin ka ajiye shi har ya bushe to in sha Allah za ka ga sabulunka ya hadu lafiya lau in ka sa kala za ka gan shi ya yi taurinsai ka sayar.
Kana iya samun kayayyakin a wurare daban-daban kamar kasuwa, kamfanoni da online wato kayan hadin.
Allah ya ba da sa’a.
