Yadda Hadarin Mota Ya Raunata Mutane 14 A Hanyar Bauchi

Kwamandan hukumar kiyaye haddura ta kasa (FRSC) reshen jihar Bauchi, Yusuf Abdullahi, ya bayyana cewa mutane 14 ne suka jikkata a wani mummunan hatsarin mota da ya rutsa da wasu motoci uku a Tashar Saleh da ke kan hanyar Bauchi-Toro zuwa Jos.

Ya ce hatsarin ya rutsa da motocin kasuwanci guda biyu da kuma wata motar gida.

• Abba Gida-Gida Bai Cancanci Zama Gwamnan Kano Ba –APC

Abdullahi ya ce motocin da abin ya shafa sun hada da Opel Vectra Saloon mai lamba: AA421KRF; Babbar tirela (DAF) mai lamba: GME 715XX da jar Mercedes Benz 190 mara lamba.

Ya ce, cikin Fasinjoji maza 15 da hatsarin ya rutsa da su, daya ne tak ya tsira babu rauni a tare da shi.

Ya ce, an kai wadanda suka samu raunuka zuwa babban asibitin Toro domin kula da lafiyarsu.

Sulaiman

+ postsBio

• Sulaiman

  An Fara Gasar Tseren Dawakai Ta ‘Renewed Hope’ da Sabon Salo A Kano
• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi