Wasu mazauna Jihar Kebbi sun tare babbar hanyar Jega zuwa Kontagora ranar Asabar, domin nuna rashin jin daɗinsu kan hare-haren da ake ci gaba da kai wa al’ummominsu, waɗanda ake zargin ’yan ta’addan Lakurawa ne ke aikatawa.
Wani bidiyo da ke yawo a kafafen sada zumunta ya nuna masu zanga-zangar suna kunna wuta a kan hanyar, duk da ƙoƙarin jami’an ’yansanda na tarwatsa su ta hanyar amfani da hayaki mai sa hawaye.
Wani mazaunin Jega, Nazeer Muhammad, ya shaida wa Daily Trust cewa, ƙauyuka da dama da ke kewaye da yankin na su sun zama kufai, sakamakon hare-haren da ƙungiyar ta’addanci ta Lakurawa ke kaiwa, lamarin da ya tilasta wa mazauna ƙauyukan gudun hijira zuwa wuraren da suka fi samun tsaro.
Ya ce: “A halin yanzu garinmu ya cika makil da mutanen da suka rasa matsugunansu, wasu daga cikinsu, a filin Allah suke kwana.”
A cewarsa, wasu daga cikin mutanen da suka rasa matsugunansu sun fito ne daga al’ummomin Mayama da Ungushi da ke Jihar Sakkwato.
Shi ma wani mazaunin Jega, wanda ya bayyana sunansa da Malam Idris kawai, ya ce a ranar Lahadi wasu manyan motoci guda takwas ɗauke da mutanen da suka tsere daga gidajensu sun iso wannan garin.
Ya ce: “Wasu daga cikinsu suna zaune a makarantu, yayin da wasu ba su da wurin fakewa. Tallafin mutanen kirki ne kawai suke dogaro da shi wajen rayuwa.”
Taɓarɓarewar Tsaro: Yadda Hare-haren Lakurawa Ke Mayar Da Ƙauyuka Kufai A KebbiWasu mazauna Jihar Kebbi sun tare babbar hanyar Jega zuwa Kontagora ranar Asabar, domin nuna rashin jin daɗinsu kan hare-haren da ake ci gaba da kai wa al’ummominsu, waɗanda ake zargin ’yan ta’addan Lakurawa ne ke aikatawa.Wani bidiyo da ke yawo a kafafen sada zumunta ya nuna masu zanga-zangar suna kunna wuta a kan hanyar, duk da ƙoƙarin jami’an ’yansanda na tarwatsa su ta hanyar amfani da hayaki mai sa hawaye.Wani mazaunin Jega, Nazeer Muhammad, ya shaida wa Daily Trust cewa, ƙauyuka da dama da ke kewaye da yankin na su sun zama kufai, sakamakon hare-haren da ƙungiyar ta’addanci ta Lakurawa ke kaiwa, lamarin da ya tilasta wa mazauna ƙauyukan gudun hijira zuwa wuraren da suka fi samun tsaro.Ya ce: “A halin yanzu garinmu ya cika makil da mutanen da suka rasa matsugunansu, wasu daga cikinsu, a filin Allah suke kwana.”A cewarsa, wasu daga cikin mutanen da suka rasa matsugunansu sun fito ne daga al’ummomin Mayama da Ungushi da ke Jihar Sakkwato.Shi ma wani mazaunin Jega, wanda ya bayyana sunansa da Malam Idris kawai, ya ce a ranar Lahadi wasu manyan motoci guda takwas ɗauke da mutanen da suka tsere daga gidajensu sun iso wannan garin.Ya ce: “Wasu daga cikinsu suna zaune a makarantu, yayin da wasu ba su da wurin fakewa. Tallafin mutanen kirki ne kawai suke dogaro da shi wajen rayuwa.”
