‘Yan Bindiga Sun Kashe Mutum 7 A Wani Sabon Hari A Jihar Neja

Akalla mutum 7 ne suka mutu a wani sabon hari da wasu ‘yan bindiga suka wani yanki a karamar hukumar Shiroro ta jihar Neja.

Daily Trust ta rawaito cewa maharan sun fille kawunan mutane biyu, Kabiru Salihu da Abubakar Karaga.

• Harin ‘Yan Bindiga Kan Jami’an Tsaro Ya Ta Da Jijiyar Wuya A Neja
• Sojoji Sun Dakile Harin ‘Yan Bindiga, Sun Kashe Da Yawa A Neja

Daga cikin kauyukan da aka kai wa harin a tsakanin ranar Alhamis zuwa Juma’a, akwai Lanta da Bassa da Kasimani da Unguwan-Madi da Makuda da dai sauransu, inda aka ce an kona gidaje da dabbobi da dama.

Wata majiya da ta nemi a sakaya sunanta saboda barazanar tsaro ta ce, “Baki daya mutane bakwai ‘yan ta’addar suka kashe a Bassa.”

An tuntubi Jami’in hulda da jama’a na rundunar ‘yan sandan jihar Neja, SP Wasiu Abiodun, amma bai samu ba har ya zuwa lokacin hada wannan labarin.

Muhammad

+ postsBio

• Muhammad

  Yadda Na Tsira Daga Cutar Mashaƙo A Katsina: “Na Fara Da Tsartuwar Jini Tare Da Yawu”
• Muhammad

  An Naɗa Yusuf Nasidi Nasir A Matsayin Talban Barayan Kano
• Muhammad

  Wani Kamfani Ya Tallafa Wa Masu Sana’ar Shayi A Kano
• Muhammad

  Kosan Waka Ya Rasu, Gwamnan Kano Ya Jajanta Wa Iyalansa