Ofishin binciken sararin samaniya na ‘yan sama jannati na kasar Sin, ya ce da karfe 8 da minti 11 na daren ranar 29 ga wannan wata, ‘yan sama jannati na kumbon Shenzhou-21 sun sauka ta kumbon Shenzhou-22 a filin saukar kumbuna na Dongfeng, kuma likitoci da masu sa ido a wurin sun tabbatar da cewa, ‘yan sama jannati Zhang Lu, da Wu Fei da kuma Zhang Hongzhang suna cikin koshin lafiya, an kuma kammala aikin cikin nasara.
‘Yan sama jannatin na kumbon Shenzhou-21, sun shiga tashar binciken sararin samaniya ta kasar Sin a ranar 1 ga watan Nuwanban shekarar 2025, duka su ukun sun kasance a cikin tashar har tsawon kwanaki 210, inda suka karya bajimtar tsawon zaman ‘yan sama jannati na kasar Sin a sararin samaniya, sun fita daga cikin tashar har sau uku, tare da kammala ayyukan daukar hotunan tagar kumbon Shenzhou-20 mai dawowa doron duniya, da ajiye na’urorin ba da kariya ga tashar da sauransu. (Zainab Zhang)
Discussion about this post