‘Yansanda Sun Yi Alƙawarin Bayar Da Cikakken Tsaro A Kano

Mataimakin Sufeto Janar na ‘Yansanda, AIG, wanda ke kula da hedikwatar rundunar, shiyya ta 1, da ke Kano, Ahmed Garba, ya sake tabbatar da kudurin rundunar ‘yansandan Nijeriya na kare rayuka da dukiyoyi.

Hakan na ƙunshe ne a cikin wata sanarwa da kakakin rundunar shiyyar, CSP Bashir Mohammed ya fitar a Kano ranar Talata.

• Shugaba Xi Ya Fayyace Muhimmiyar Matsayar Sin Dangane Da Batun Taiwan Yayin Zantawarsa Da Shugaba Trump
• Taron G20: Afirka Tana Da Wata Abokiyar Gaske

Garba ya yi wannan bayanin ne yayin da ya kira taron bitar dabarun aiki da Kwamandoji da masu Leken asiri na rundunar ‘yansanda daga jihohin Kano da Jigawa.

Kwamandojin sun tattauna hanyoyin ƙarfafa ayyukan tsaro da ake gudanarwa kuma sun amince da matakan tura ƙarin jami’ai daga rundunar ‘yansanda tare da haɗin gwiwar rundunar soji zuwa al’ummomin da ayyukan ‘yan ta’adda ke shafa a shiyyar.

AIG Garba ya roƙi mazauna shiyyar da su ba da haɗin kai ga hukumomin tsaro ta hanyar samar da ingantattun bayanai don tallafawa ƙoƙarin da ake yi na dakile ayyukan ‘yan fashi da makami da sauran manyan laifuka.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”