Rundunar ƴansandan Jihar Delta ta cafke wasu mutane uku da ake zargi da garkuwa da wani matashi, inda suka karɓi kuɗin fansa na Naira miliyan biyu (₦2m) amma duk da haka suka harbe shi saboda rashin isassun kuɗi a asusun bankinsa.
Waɗanda ake zargin su ne Chukwuebuka Nka (25), da Uche Okechukwu da Somto Chukwuma, waɗanda suka yi garkuwa da wanda abin ya shafa daga gidansa da ke Ogwashi-Uku. Kakakin rundunar, Bright Edafe, ya bayyana cewa an gano wanda aka sace a cikin daji da ke yankin tare da raunin harbin bindiga a ƙafarsa.
- Sojoji Sun Kama Mutane 69 Masu Fasa Bututun Mai A Yankin Neja-Delta
- Bayan Sulhu Da Ƴan Bindiga, An Saki Mutane 70 Da Aka Yi Garkuwa Da Su A Katsina
Bincike ya kai jami’an tsaro zuwa jihar Anambra, inda suka cafke Chukwuebuka da Uche tare da ƙwato motar wanda aka yi garkuwa da shi, Toyota Venza. Daga baya kuma an cafke na ukun a ƙauyen Agidiase, Ogwashi-Uku.
Ƴansanda sun ce waɗanda ake zargin sun kai su maɓoyarsu, inda aka gano motar da suke amfani da ita wajen kai hare-hare da kuma na’urar ƙaryar sadarwa. Dukkan su na hannun jami’an tsaro yayin da ake ci gaba da bincike.
