Rahoton “Jerin Sunayen Motoci 100 Mafi Daraja na Duniya na 2026” da kamfanin “Brand Finance” mai tantance darajar samfura da ke Landan na Birtaniya ya fitar a jiya 23 ga wata ya nuna cewa, samfuran motoci 24 na kasar Sin sun shiga cikin jerin sunayen, wanda ya sake zama na farko a adadin da aka zaba.
Rahoton ya nuna cewa, a shekara ta 2025, motoci masu aiki da wutar lantarki da kamfanonin kasar Sin suka kera suna sahun gaba a duniya a fannoni biyar da suka hada da: yawan samarwa da sayarwa da fitarwa zuwa kasashen waje, da kasonsu a kasuwar duniya, da adadin samfura.
Rahoton ya kuma nuna cewa, yawan motocin gargajiya da manyan kamfanonin motoci na Turai suke sayarwa a kasuwar Sin yana ta ci gaba da raguwa, yayin da kudaden shiga na samfuran Sin a kasuwannin Turai ke karuwa a hankali. (Amina Xu)
