An Damke Basarake Da Wasu Mutum 10 Bisa Zargin Hada Baki Da ‘Yan Bindiga A Kudancin Kaduna

Mazauna garin Janjala da ke yankin Kagarko a jihar Kaduna, sun ce wasu sojoji sun isa garinsu a ranar Talata inda suka kama basaraken kauyen da wasu mazauna kauyen su 10.

Da suke zantawa da jaridar Daily Trust, mazauna garin sun ce kamen ya biyo bayan kama wasu mutane biyu ne a garin Kagarko wadanda ake zargin sun bayar da bayanai wadanda suka kai ga cafke basaraken da sauran mazauna garin.

• Da Dumi-Dumi: ‘Yansanda Sun Cafke Dakataccen Kwamishinan Zaben Adamawa, Ari 

Wata majiya da ta nemi a sakaya sunanta ta shaida wa Daily Trust cewa wadanda aka kaman ana zarginsu da hada baki da ‘yan bindigar da suka addabi mutanen yankin a kwanan nan.

Ya ce an fara kama wasu mutane biyu ne a Kagarko daga nan ne sojoji suka taho cikin motoci kirar Hilux guda takwas zuwa garin Janjala inda suka kama basaraken kauyen da wasu 10.

A Wata majiya ta bakin Yahuza Sulaiman ta ce an tafi da basaraken kauyen Ibrahim Aliyu zuwa babban birnin jihar Kaduna domin ci gaba da bincike.

Sulaiman

+ postsBio

• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum
• Sulaiman

  Sin Da Amurka Na Wanzar Da Mu’amala Game Da Shirin Ganawar Da Manyan Shugabannin Kasashen Biyu Za Su Yi A Bana