Bayan Gindaya Wa’adi: Hukumar AGIS Na Tattara Harajin Naira Biliyan Daya A Kullum 

Bayan gindaya wa’adin makonni biyu da Ministan Babban Birnin Tarayya, Nyesom Wike ya yi ga wadanda ba su biyan harajin kasa (fili), hedikwatar Hukumar Kula da Harkokin filaye ta Abuja (AGIS) ta cika makil yayin da hukumar ke tattara sama da Naira Biliyan daya a kullum.

An rahoto cewa, masu kokarin biyan harajin kasa da ake biyan gwamnati, sun makare ofishin AGIS don kokarin biyan bashin kafin wa’adin da aka gindaya ya cika.

• Da Dumi-Dumi: Kotu Ta Tabbatar Da Nasarar Bala Muhammad A Matsayin Gwamnan Bauchi

Wike, ya yi barazanar kwace lasisin filin duk wanda ya haura Makonni biyu bai biya bashin da ake bin shi ba.

Daraktan riko na AGIS, Isiaku Ndatsu Alfa, ya bayyana cewa, an samu karuwar biyan kudin kasa tun bayan da Ministan ya yi barazanar kwace lasisin kasar ga wadanda ba su biya bashin ba.

A cewarsa, wasu ‘yan kudade kadan aka tara daga watan Yuni zuwa Yuli amma bayan barazanar da Ministan ya yi a watan Agusta, biyan kudin kasar ya nunku da sauri zuwa Naira Miliyan N500m har zuwa sama da Naira Biliyan daya.

Ya ce, ya zuwa ranar 17 ga watan Satumba, kudaden da aka tattara ya kai Naira Biliyan N1.9bn, kuma ana kyautata zaton adadin zai rubanya nan da karshen wata.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi