Bikin Babbar Sallah: Gwamnan Katsina Ya Yi Fatali Da Kyautar Raguna 100 Da Wani Attajiri Ya Yi Masa

Rahotanni sun bayyana cewa, Gwamna Dikko Radda na jihar Katsina ya yi fatali da kyautar raguna 100 da wani mai kudi a jihar ya yi masa.

Jaridar The Guardian ta tattaro cewa, an kai ma Gwamna Radda ragunan ne a jiya Talata, gabanin bikin Sallah na yau, amma ya yi fatali da tayin kyautar.

• Gwamnoni Sun Ta Ya Musulmin Nijeriya Murnar Sallah Babba

Ma’aikatan gidan gwamnatin sun ce, tayin kyautar ya bata wa gwamnan rai, inda ya yi gargadin cewa, kar wani ya kara kawo masa irin wadannan kyaututtuka a nan gaba.

Gwamnan ya yi mamakin yadda wasu masu kudi za su dinga bayar da kyaututtuka ga masu rike da mukaman jagoranci bayan ga masu kananan karfi nan da yawa a tare da su wadanda suka fi cancanta da a taimakawa.

Don haka, Radda ya yi kira ga masu hannu da shuni da su yi amfani da lokacin bukukuwa don taimakawa talakawa.

Gwamnan ya yi kira ga Kiristoci da Musulmai da su yi amfani da bukukuwan Sallah domin samar da zaman lafiya a tsakaninsu.

Sulaiman

+ postsBio

• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti
• Sulaiman

  Ta Yaya Ake Ci Gaba Da Fitar Da Sabbin Kayayyaki A Yayin Baje Koli Na Canton Fair