A halin da ake ciki yanzu haka, sassan yammacin Turai na fama da matsanancin yanayi na zafi, shi ma yankin kudancin Asiya na jure karuwar matsanancin zafi, kana a kudu maso gabashin nahiyar Afirka ma ana fuskantar saukar ruwan sama mai tsanani. A lokacin zafi na bana, an fuskanci yanayi mai tsanani a yankuna da dama na duniya.
Karkashin wannan sauyi na yanayi, akwai kalubalen karuwar wahalar rayuwa ga dan Adam a dukkanin fannoni. Game da hakan, sakamakon wani bincike da kafar CGTN ta gudanar ta yanar gizo, ya nuna yadda kaso 83.1 bisa dari na masu bayyana ra’ayoyi suka amince da kasancewar tsanantar yanayi, wani kalubale na hakika ga rayuwar bil’adama, sun kuma amince hanya mafi dacewa ta magance hakan ita ce kasashen duniya su hada hannu wajen sauke nauyin dake wuyansu tare.
Binciken ya nuna yadda kaso 72.6 bisa dari na masu bayyana ra’ayoyinsu, suka amince da bukatar rage fitar da hayaki mai dumama yanayi da iskar carbon, da kyautata tsarin jure sauyin yanayi a matsayin jigon kawar da hadurra.
Kazalika, waso 92.3 bisa dari sun gamsu cewa hadin gwiwar duniya a fannin shawo kan sauyin yanayi, na bukatar musayar fasahohin sauyin yanayi, da dabarun kandagarkin bala’u, da samar da abubuwan bukata na gargadin gaggawa, baya ga tallafin kudade. (Saminu Alhassan)
