A ranar Lahadi 19 ga watan Yuli na shekarar 2026 aka buga wasan karshe na gasar kofin Duniya na shekarar 2026 tsakanin kasashen Spain da Argentina a filin wasa na Ne Jersey dake birnin New York na kasar Amurka, inda Spain ta samu nasarar lashe gasar bayan doke Argentina da ci 1 mai ban haushi.
Wannan ne karo na biyu da kasar ta taɓa lashe gasar bayan ta lashe a shekarar 2010 da aka buga a kasar Afirika Ta Kudu.
Kyaftin din tawagar kasar Spain Rodri ne ya lashe kyautar gwarzon dan wasan gasar, inda ya samu kyautar kwallon Zinare ta kamfanin adidas.
Hakazalika, kyaftin din kasar Faransa Kylian Mbappe ne ya lashe kyautar takalman zinare bayan ya zura kwallaye 10 a wasanni takwas kacal da ya buga, sannan mai tsaron ragar kasar Spain Unai Simon ne ya samu nasarar lashe kyautar safar hannu ta Zinare bayan an jefa masa kwallo daya tilo a dukkan wasannin da ya buga a gasar ta bana.
Ga cikakken jerin ‘yan wasan da suka samu nasarar samun kyaututtukar Adidas Golden Ball:
1. Adidas Golden Ball, Rodri (Spain) 2. Adidas Silver Ball, Lionel Messi (Argentina) 3. Adidas Bronze Ball, Kylian Mbappe (Faransa) 4. Adidas Golden Boot, Kylian Mbappe (Faransa) 5. Adidas Silver Boot, Lionel Messi (Argentina) 6. Adidas Bronze Boot, Jude Bellingham (Ingila) 7. Adidas Golden Glove, Unai Simon (Spain) 8. Kyautar FIFA Young Player Award, wacce Aramco ta bayar, Pau Cubarsi (Spain)
