Cire Tallafin Fetur: Gwamnatin Edo Za Ta Raba Wa Marasa Karfi Naira N20,000 Ga Duk Mutum Daya A Jihar

Bayan taron majalisar zartarwa na mako-mako, gwamnatin jihar Edo ta ware naira miliyan 500 domin rabawa marasa karfi a jihar wanda kowanne mutum zai samu naira 20,000.

Za a fara aiwatar da shirin ne daga watan Satumba, tallafin za a bayar ne domin rage radadin cire tallafin mai wanda ya haifar da hauhawar farashin kayayyakin masarufi a fadin Nijeriya.

• Cire Tallafin Fetur: Gwamnatin Zamfara Ta Amince Da Raba Kayan Abinci Don Tallafawa

Kwamishinan sadarwa da wayar da kan jama’a na jihar, Mista Chris Osa Nehikhare ne ya bayyana hakan a wani taron manema labarai da aka gudanar jim kadan bayan kammala taron majalisar.

Ya ce, za a karbo Naira miliyan 500 din ne daga asusun tattara kudaden shiga na jihar (IGR), ya kuma ba da tabbacin cewa gwamnatin jihar na da tabbatacciyar bayanai na marasa karfi a jihar, wanda aka tattaro a shekarar 2019 zuwa 2021 tare da hadin guiwar Bankin Duniya.

Sulaiman

+ postsBio

• Sulaiman

  Na Sayar Da ’Ya’yana, Na Sace Wasu 19 – Wata Da Ake Zargi Da Safarar Yara
• Sulaiman

  Hormuz: Iran Ta Kai Muggan Hare-hare Kan Sansanin Amurka A Jordan
• Sulaiman

  ASUU Ta Yi Barazanar Yajin Aiki A Jami’ar Jihar Sokoto
• Sulaiman

  PDP Ta Musanta Mara Wa APM Baya A Bauchi