“Dalilanmu Na Cafke Fitaccen Mawaki D’banj” —ICPC

Hukumar yaki da cin hanci da rashawa mai zaman kanta ta kasa (ICPC) ta tabbatar da kama Mista Oladipo Daniel Oyebanjo, wanda aka fi sani da D’Banj.

A cikin wata sanarwa da kakakin hukumar ICPC, Misis Azuka Ogugua ta fitar, ta ce ana zargin D’Banj ne da laifin karkatar da kudaden shirin N-Power.

• ‘Yan Daba Sun Raunata Soja Da ‘Yan Kwana-Kwana 2 Yayin Da Gobara Ta Tashi A Gidan Mai A Kwara

Shirin N-Power wani shiri ne da shugaban kasa Muhammadu Buhari ya kafa a ranar 8 ga watan Yuni, 2016, domin magance matsalolin rashin aikin yi da karfafawa matasa gwiwa, da kuma taimakawa wajen bunkasa zamantakewa.

“A bisa hakkin da ke kanmu, Hukumar ICPC ta samu koke-koke da dama kan karkatar da kudaden N-Power da suka kai biliyoyin Naira biyo bayan amincewa da fitar da kudaden ga wadanda suke cin gajiyar shirin. Yawancin masu cin gajiyar shirin N-Power sun koka kan rashin biyansu kudaden su na duk wata bayan kuma gwamnatin tuni ta fitar da kudaden.” inji wani bangare na sanarwar

Sulaiman

+ postsBio

• Sulaiman

  ASUU Ta Yi Barazanar Yajin Aiki A Jami’ar Jihar Sokoto
• Sulaiman

  PDP Ta Musanta Mara Wa APM Baya A Bauchi
• Sulaiman

  Sojoji Sun Dakile Hare-Hare, Sun Ceto Mutane 12 A Zamfara
• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5