Ƙungiyar kwallon kafa ta Kano Pillars ta kammala gasar NPFL ta bana a matsayi na 14 bayan ta sha kashi a hannun Plateau United a wasan ƙarshe na kakar wasa da suka buga ranar Lahadi.
Ƙungiyar da Muhammad Babaganaru ke jagoranta ta tara maki 48 daga wasanni 38, inda ta zura ƙwallaye 37 aka kuma ci mata 39 a kakar wasan bana.
Kano Pillars ta fuskanci ƙalubale da dama a kakar wasan, ciki har da dakatar da ita daga amfani da filin wasa na Sani Abacha Stadium na wani lokaci tare da cin tarar kuɗi.
ADVERTISEMENT
Sai dai duk da matsalolin da ta fuskanta, ƙungiyar ta samu nasarar tsallake barazanar faɗuwa daga gasar, lamarin da ke nufin za ta ci gaba da buga gasar Firimiyar Nijeriya a kakar wasa mai zuwa.
Discussion about this post