Hukumar kashe gobara ta Jhar Kano ta sanar da cewa, ta samu nasarar ceto rayukan mutane 79 da kuma ceto dukiyar da aka kiyasta ta kai Naira Miliyan 27.6 daga gobara 32 da ta auku a fadin jihar a cikin watan Yuli.
Bayanin haka yana kunshe ne a takardar sanarwar da jami’in watsa labarai na hukumar, Alhaji Saminu Abdullahi ya sanya wa hannu aka kuma raba wa manema labarai a Kano ranar Juma’a.
- Yadda ‘Yan Sa-kai Suka Lakada Wa Alaramma Duka Har Lahira A Kano
- Ganduje Zai Sanya Hannu Kan Takardar Kashe Malamin Nan Da Ya Kashe Daliba Hanifa — Gwamnatin Kano
Ya kuma kara da cewa, mutum 12 sun rasa rayukansu, an kuma yi asarar dukiyar da aka kiyasta ta kai ta Naira Miliyan 10.3 a fadin jijhar.
Daga nan ya kuma ce, sun amsa kiran gaggawa har sau 65 yayin da aka yi musu kiran bogi sau 12.
Jami’in watsa labaran ya gargadi al’uma da su yi takatsantsan da yadda suke hulda da wuta don kaucewa aukuwar gobara, su kuma bi dukkan dokokin hanya don kaucewa aukuwa hatsari a hanyoyinmu.
