Matatar Dangote ta fitar da jerin wurare 32 da aka amince da su domin masu zuba jari su yi amfani da su wajen sayen hannun jarin kamfanin ta hanyar IPO.
Kamfanin ya wallafa jerin a shafinsa na IPO, inda ya gargaɗi masu zuba jari da su yi amfani da hanyoyin da aka amince da su kawai. Farashin hannun jarin a halin yanzu shi ne N525 kan kowane kaso guda, yayin da mafi ƙarancin adadin da mutum zai iya saya shi ne kaso 10, wanda darajarsa ta kai N5,250.
Cikin jerin akwai bankuna 19:
Access Bank, Ecobank, FCMB, Fidelity Bank, FirstBank, Globus Bank, GTCO, Jaiz Bank, Keystone Bank, Lotus Bank, PremiumTrust Bank, Providus Bank, Stanbic IBTC, Sterling Bank, TAJ Bank, UBA, Union Bank, Wema Bank da Zenith Bank.
Haka kuma akwai fintech 10:
Bamboo, Flutterwave, InvestNaija, Ladder, Moniepoint, Paga, Payaza, PiggyVest, Vetiva Invest da we.yan.
An kuma amince da Airtel SmartCash da MTN MoMo a matsayin masu gudanar da harkar biyan kuɗi ta wayar hannu, yayin da NGX Invest ke cikin hanyoyin da aka amince da su.
Matatar Dangote ta jaddada cewa masu zuba jari su tabbatar sun yi rajista ne kawai ta hanyoyin da aka ambata a cikin jerin, tare da gargaɗin cewa kada su yi amfani da wata hanyar da kamfanin bai amince da ita ba.
