Bisa labarin da ma’aikatar kasuwanci ta Sin ta fitar, jimilar jarin da Sin ta zuba a kasashen waje kai tsaye a watanni uku na farkon bana ta kai biliyan 309.45, wadda ta karu da kashi 5.4% bisa makamancin lokacin bara.
Daga cikin jarin da aka zuba, an samu kudaden da suka kai yuan biliyan 259.35 daga ayyukan kwangila a kasashen waje, adadin da ya karu da kashi 5.7% idan aka kwatanta da makamancin lokacin bara.
Daga watan Janairu zuwa watan Maris na bana, adadin jarin da kamfanonin Sin suka zuba kai tsaye a kasashen wadanda suke bin shawarar “Ziri Daya da Hanya Daya” ya kai yuan biliyan 61.27, inda jimilar kudaden sabbin kwangilolin ayyukan injiniya da kamfanonin suka rattaba hannu kan su a kasashen da ke bin shawarar “Ziri Daya da Hanya Daya”, ta kai yuan biliyan 348.51, wadda ta karu da kashi 2.4% idan aka kwatanta da makamancin lokacin a shekarar bara, kuma yawan kudaden da kamfanonin suka samu a fannin ayyukan kwangila a kasashen waje ya kai yuan biliyan 218.69, wanda ya karu da kashi 10% idan aka kwatanta da makamancin lokacin a bara.
Bugu da kari, masu zuba jari dake Sin sun zuba jari kai tsaye wanda bai shafi hada-hadar kudi ba a kamfanoni 4111 na kasashe da yankuna 140 a fadin duniya, inda jimillar jarin ta kai biliyan 232.86. (Safiyah Ma)
Discussion about this post