Manchester United Ta Dauki Casemiro Daga Real Madrid

Kungiyar kwallon kafa ta Manchester United ta kammala daukar dan wasan tsamiyar Real Madrid, Carlos Henrique Casemiro.

Casemiro zai rattaba wa Man United hannun shekara hudu.

• Yanzu-Yanzu: Kwamishinan Da ‘Yan Bindiga Suka Sace A Nasarawa Ya Kubuta
• Za A Rataye Dan Damben Da Ya Kashe Matarsa

Kungiyar ta biya fam miliyan 60 da karin fam miliyan 10 ga Real Madrid.

Dan wasan zai kasance daya daga cikin wanda suka fi kowa daukar kudi a Manchester United.

Casemiro ya shafe shekara tara da Real Madrid, inda ya lashe kofi 18, sannan ya zura kwallo 31 a raga.