Manufar Soke Haraji Ga Kasashen Afirka Ta Sin Ta Samar Da Sabbin Damammaki Ga Nahiyar

‘Yan kasuwa da jami’ai a yankin kudancin Afirka sun bayyana cewa, ana sa ran manufar soke haraji gaba daya da Sin ta aiwatar kan kayayyakin kasashe 53 na Afirka, za ta samar wa duk fadin nahiyar sabbin damammakin fitar da kayayyakinsu zuwa Sin da zuba jari.

‘Yan kasuwa da jami’an sun bayyana haka ne jiya Alhamis a gun taro ta yanar gizo da sakatariyar kungiyar raya kasashen kudancin Afirka SADC tare da hukumar kasuwanci ta SADC din suka shirya mai taken “Habaka kasuwanci tsakanin kasashen yankin kudancin Afrika da damar zuba jari”, inda mahalarta taron suka tattauna sabbin damammakin kasuwanci da zuba jari da suka bullo a yayin canjin yanayin tattalin arzikin duniya.

Manajan kula da ‘ya’yan itatuwa na kungiyar kasuwancin amfanin gona ta Afirka ta Kudu Wolfe Braude ya bayyana cewa, ya kamata kasashen Afirka su yi amfani da damar shiga cikin babbar kasuwar Sin mai yawan jama’a.

Shugaban hukumar kasuwanci ta kungiyar SADC Kulekani Mathe ya bayyana cewa, ya kamata yankin ya karfafa karfin takara tsakanin masana’antu, da zurfafa tsarin yanki na bai daya, da kuma samar da yanayi mai dorewa ga ci gaban kasuwanci da zuba jari. (Amina Xu)

Sulaiman

+ postsBio

• Sulaiman

  Zhang Guoqing Ya Gabatar Da Jawabi Ga Taron Koli Na “Hadin Kai Don Bunkasa Tattalin Arzikin Duniya”
• Sulaiman

  Kakakin Ma’aikatar Harkokin Wajen Sin Ya Soki Dabarar Siyasa Ta Sakataren Tsaron Philippines
• Sulaiman

  Africa CDC Ta Yaba Da Hadin Gwiwar Sin A Yakin Da Afrika Ke Yi Da Cutar Ebola
• Sulaiman

  Hadin Gwiwar Noma Tsakanin Sin Da Afirka: Daga “Sari Ka Ba Ni” Zuwa ” Zamanintar Da Kansu Tare”