Cibiyar bincike ta CAICT dake karkashin ma’aikatar lura da harkokin watsa bayanai da fasahar sadarwa ta kasar Sin, ta ce a shekarar 2025 darajar masana’antun kirkirarriyar basira ko AI na kasar Sin, ta haura kudin Sin yuan tiriliyan 1.2, kwatankwacin dalar Amurka biliyan 176.7, adadin da ya karu da kaso 40 bisa dari a mizanin shekara-shekara.
Cibiyar ta CAICT, ta ce ya zuwa watan Yunin bana, adadin kamfanonin AI na kasar Sin sun haura 6,600, adadin da ke wakiltar kaso 15 bisa dari na jimillar wadanda ake da su a duniya baki daya. Kazalika, Sin ta kafa cikakken tsarin ayyukan masana’antun fannin, tun daga ababen more rayuwa da ake bukata a bangaren, zuwa manhajoji, da dandalolin amfani da manhajojin da sassan cin gajiyarsu. (Mai fassara: Saminu Alhassan)
